ഫാമിലി കൗൺസിലിംങ്ങ്
നേരത്തെ നിശ്ചയിച്ച പ്രകാരം സുധയും ഭർത്താവ് മധുവും രാവിലെ കൗൺസിലിങ്ങ് സെന്ററിലെത്തി . ബൈക്കിലാണ് വന്നത് . കൗൺസിലിങ്ങ് ആരംഭിക്കുന്നത് നമ്മുടെ മുന്നിലിരിക്കുമ്പോൾ മാത്രമല്ല , വരുന്ന രീതിയും പുറത്ത് ഇരിക്കുന്ന ( വെയിറ്റിംഗ് റൂമിൽ ) രീതിയും ഒക്കെയാണ് അവരെ മനസ്സിലാക്കാനുള്ള വഴികൾ , മധുവും സുധയും വന്നത് പുതിയ ബൈക്കി ലാണ് . കല്യാണം കഴിഞ്ഞ് കുറച്ചായിട്ടേ ഉള്ളൂ എന്ന് മനസ്സിലായി . കളിയും ചിരിയുമായി അവർ പുറത്ത് അവരുടെ ഊഴത്തിനായി കാത്തിരുന്നു . ഇടയിൽ പുറത്തു പോയി രണ്ടുപേരും ചേർന്ന് ഒരു ഐസ്ക്രീം പങ്കുവച്ച് കഴിക്കുന്നതും സെൽഫികൾ എടുക്കുന്നതും CCTV ൽ കണ്ടു . കുറച്ചു സമയത്തിനു ശേഷം രണ്ടു പേരും കൗൺസി ലിങ്ങിനായി കൗൺസിലിങ്ങ് മുറിയിൽ വന്നു
ഫാമിലി കൗൺസിലിങ്ങ് ചെയ്യുമ്പോൾ നമ്മൾ ആദ്യം ഒരാളെ കേൾക്കണം ( ഭാര്യയെയോ , ഭർത്താവിനെയോ ഒരാളെ ) അത് തീരുമാനിക്കാനുള്ള അവകാശം അവർക്കു വിട്ടു കൊടുക്കണം . അല്ലാതെ നമ്മൾ ഒരാളെ തീരുമാനിച്ചാൽ മറ്റേ ആൾക്ക് അത് വിഷമമാവാൻ സാധ്യതയുണ്ട് . അതിനാൽ ആദ്യം ഞാനൊരാളെ കേൾക്കാം . ആരെയാണ് കേൾക്കേണ്ടത് എന്ന് നിങ്ങൾക്ക് തീരു മാനിക്കാം , എന്നു പറഞ്ഞ് ആ സ്വാതന്ത്യം ദമ്പതികൾക്കു കൊടുക്കുന്നതാണ് ഉചിതം . ആദ്യം ഒരാളെ കേൾക്കുക . പിന്നീട് അടുത്തയാളെ കേൾക്കുക . മൂന്നാമതായി രണ്ടുപേരെയും ഇരുത്തി പറഞ്ഞതിലുള്ള വൈരുദ്ധ്യങ്ങളിൽ വ്യക്തതയുണ്ടാക്കുകയും ഒരാൾക്ക് മറ്റേയാളിൽ യോജിപ്പുള്ള മേഖലകളും വിയോജിപ്പുള്ളമേഖലകളും മനസ്സിലാക്കുകയാണ് മൂന്നാമത്തെ സ്റ്റെപ്പ് . ആദ്യം മധുവിനെ കേട്ടാൽ മതിയെന്ന് തീരുമാനിച്ചു .
നല്ല കാലാവസ്ഥയാണ് ഇന്ന് എന്നുതോന്നുന്നു . ( ഇതു പറഞ്ഞ് ഞാൻ പുറത്തേക്ക് നോക്കി - മഴയൊക്കെ മാറി ചെറു തായി വെയിൽ വന്ന സമയമായിരുന്നു അത് . )
( Casual talk )
അതെ അതെ . ഇന്ന് നല്ല കാലാവസ്ഥയാണ് . അതിനാൽ ഞങ്ങൾക്ക് ബൈക്കിൽ സുഖമായി വരാൻ കഴിഞ്ഞു . കുറേ ദിവസമായി നല്ല മഴയാണല്ലോ . ഇന്ന് വളരെ നല്ല കാലാവസ്ഥയാണ് . ( റാപ്പോ ഉണ്ടാക്കാനാണ് ഇങ്ങനെ ചില ചോദ്യങ്ങൾ ചോദിക്കുന്നത് ) .
മധു എനിക്ക് അഭിമുഖമായി ഇരുന്നു . കണ്ണുകൾ കൃത്യമായി എനിക്ക് കാണാം . വാതിലടച്ചു . ഞാൻ എന്റെ മൊബൈൽ ഫോൺ എടുത്ത് ഓഫാക്കി കമഴ്ത്തി വച്ചു . ( ഇനി എന്റെ സമയം നിങ്ങൾക്കു വേണ്ടി മാത്രമാണ് എന്നു മധുവിനെ വിശ്വ സിപ്പിക്കാനാണ് അങ്ങനെ ചെയ്തത് ) . മധുവും മൊബൈൽ ഫോൺ ഓഫാക്കി താഴെ വച്ചു .
മധു ഞാൻ എങ്ങനെയാണ് നിങ്ങളെ സഹായിക്കേണ്ടത് , നിങ്ങൾക്ക് എന്നെ 100 % വിശ്വസിക്കാം . നിങ്ങൾ പറയുന്ന കാര്യ ങ്ങൾ ഞാൻ 100 % രഹസ്യമായി സൂക്ഷിക്കും . ഒരുപക്ഷെ നിങ്ങൾ കാര്യങ്ങൾ തുറന്നു പറയുകയാണെങ്കിൽ എനിക്ക് നിങ്ങളെ കൂടു തൽ സഹായിക്കാൻ പറ്റും . ഞാൻ പറഞ്ഞു നിർത്തി .
സർ എവിടെ തുടങ്ങണം എന്നെനിക്കറിയില്ല . ഞങ്ങളുടെ വിവാഹം കഴിഞ്ഞ് ഒരു വർഷമായി . പക്ഷെ ഒരു വാശിയുടെ പുറത്ത് ഇപ്പോൾ വിവാഹ മോചനത്തിനടുത്താണ് . എന്ന് പതുക്കെ പറഞ്ഞു .
ഇടയ്ക്ക് മധു ഗ്ലാസ് ഡോറിനപ്പുറത്തുള്ള സുധയെ നോക്കുന്നുണ്ടായിരുന്നു . സുധ കേൾക്കുമോ എന്ന സംശയമാണ് മധുവിനുള്ളതെന്ന് മനസ്സിലാക്കിയ ഞാൻ പുറത്തുള്ള സ്പീക്കറിലെ ചൗരസ്യയുടെ ഓടക്കുഴൽ കച്ചേരി സ്വൽപം ശബ്ദം ഉയർത്തിവച്ചു . അപ്പോൾ പുറത്തുള്ളവർ അതിൽ ലയിച്ചിരിക്കും ഇവിടെ സംസാരിക്കുന്നത് കേൾക്കുകയില്ല . ഇപ്പോൾ മധു കൂടുതൽ സ്വസ്ഥനാവുകയും തുടർന്നു സംസാരിക്കുകയും ചെയ്തു .
സർ , ഞങ്ങൾ വളരെ പഴയ തറവാട്ടുകാരാണ് . ഒരു നാലു തലമുറയ്ക്ക് സുഖമായി ജീവിക്കാനുള്ള സ്വത്ത് കാരണവൻമാ രായി ഉണ്ടാക്കിയിട്ടുണ്ട് . മാത്രമല്ല , ഞാൻ ബിസിനസ്സു ചെയ്ത് മാസം അഞ്ചു ലക്ഷം രൂപയ്ക്ക് മുകളിൽ സമ്പാദിക്കുന്നുമുണ്ട് . എന്റെ ഭാര്യ എനിക്കൊപ്പം എന്റെ വീട്ടിൽ വേണമെന്നാണ് എന്റെ ആഗ്രഹം . എന്നാൽ അവൾക്ക് ഇപ്പോൾ ഛത്തീസ്ഘട്ടിൽ ബേങ്കിൽ ജോലി ലഭിച്ചിട്ടുണ്ട് . അവൾ പോവണമെന്ന് വാശി പിടിക്കുന്നു . എന്റെ അച്ഛനും അമ്മയ്ക്കും പ്രായമായി വരിക യാണ് . അവൾ പോയാൽ പിന്നെ ആരാണ് അവരെ നോക്കു ന്നത് . മാത്രമല്ല , ഈ പ്രായത്തിലല്ലെ ഒന്നിച്ചു ജീവിക്കേണ്ടത് അല്ലാതെ 70 വയസ്സിലല്ലല്ലോ
അവൾക്കു പണത്തിനാണെങ്കിൽ ഞാൻ ശമ്പളം എത്ര വേണമെങ്കിലും കൊടുക്കാൻ തയ്യാറാണ് .
സാർ അവളെ പറഞ്ഞ് ഒന്ന് മനസ്സിലാക്കിക്കണം . എന്റെ വീട്ടിലെ കാര്യങ്ങൾ നോക്കി എന്റെ കുട്ടികളെ പ്രസവിച്ച് ജീവിക്കുന്ന ഭാര്യയും അങ്ങനെയുള്ള സന്തുഷ്ട കുടുംബവുമാണ് എന്റെ സങ്കല്പം . അയാൾ പറഞ്ഞു നിർത്തി .
കൗൺസിലിങ്ങിന്റെ ആദ്യ പടിയായ 1. Door Opening കഴിഞ്ഞ് Empatheticallistening എന്ന രണ്ടാമത്തെ സ്റ്റെപ്പ് ആണ് ഇപ്പോൾ നടന്നുകൊണ്ടിരിക്കുന്നത് . ഞാൻ മധുവിനെ കേട്ടു . ഇനി സുധയെ കേൾക്കണം .
സുധ എനിക്ക് അഭിമുഖമായിരുന്നു . നല്ല രസമുള്ള മ്യൂസി ക്കായിരുന്നു . ഞാൻ ലയിച്ചിരുന്നുപോയി , സുധ പറഞ്ഞു . സംഗീതം ഒരു പ്രത്യേക അനുഭൂതി നമ്മളിൽ സൃഷ്ടിക്കും എന്നു കൂടി കൂട്ടിച്ചേർത്തു പറഞ്ഞു . ഞാൻ നേരത്തെ പോലെ സുധയെ കേൾക്കാൻ തയ്യാറായി .
ഞാൻ എങ്ങനെയാണ് സുധയെ സഹായിക്കേണ്ടത് . എന്നെ 100 % വിശ്വസിക്കാം . നിങ്ങൾ പറയുന്ന കാര്യങ്ങൾ ഞാൻ 100 % രഹസ്യമായി സൂക്ഷിക്കും . ഒരുപക്ഷെ കാര്യങ്ങൾ തുറന്നു പറഞ്ഞാൽ എനിക്ക് നിങ്ങളെ കൂടുതൽ സഹായിക്കാൻ കഴി ഞ്ഞക്കും ഞാൻ പറഞ്ഞു .
സാർ ഞാൻ എന്റെ അച്ഛനും അമ്മയ്ക്കും ഏക മകളാണ് . അവർ വളരെ കഷ്ടപ്പെട്ടാണ് എന്നെ പഠിപ്പിച്ചത് . ഒരു ജോലി എന്റെ സ്വപ്നമായിരുന്നു . ഇപ്പോ എന്റെ പ്രാർത്ഥനയുടെ ഫല മായി എനിക്ക് ഒരു ബേങ്കിൽ ജോലി ലഭിച്ചിരിക്കുകയാണ് . എന്നാൽ എന്റെ ഭർത്താവ് ചില കാരണങ്ങൾ പറഞ്ഞ് എന്നെ വിടുന്നില്ല . എനിക്ക് ജോലിക്ക് പോയേ പറ്റൂ . സാർ എന്റെ ഭർത്താ വിനെ പറഞ്ഞാന്ന് മനസ്സിലാക്കിക്കണം . സുധ കരയാൻ തുടങ്ങി . കരച്ചിൽ പൂർണ്ണമായും കഴിയുന്നതുവരെ ഞാൻ റിലാക്സ് എന്നു മാത്രം പറഞ്ഞുകൊണ്ട് അവിടെ ഇരുന്നു . കരഞ്ഞതിന് സുധ ക്ഷമപറഞ്ഞു . കരച്ചിൽ ഒരു തെറ്റല്ലെന്നും കരയാൻ തോന്നിയാൽ കരയാൻ ഇവിടെ സ്വാതന്ത്ര്യമുണ്ടെന്നും ഞാൻ സുധയോടു പറഞ്ഞു .
നമ്മുടെ ഒന്നും രണ്ടും സ്റ്റെപ്പുകൾ കഴിഞ്ഞു . ഇനി 3 , 4 സ്റ്റെപ്പു കൾ , അത് കൗൺസിലർക്ക് കൗൺസിലിംഗിനോടുണ്ടായിരി ക്കേണ്ട ധാർമ്മിക നീതിയാണ് . ജന്യൂനസും റെസ്പെക്ടും. അത് എനിക്കുണ്ടെന്ന് ഉറപ്പു വരുത്തി .
അഞ്ചാമത്തെ സ്റ്റെപ്പാണ് അടുത്തത് . കോൺക്രീറ്റ്നെസ്സ് - കാര്യങ്ങളിൽ ക്ലൈന്റിനും കൗൺസിലർക്കും വ്യക്തത ഉണ്ടാ വുകയാണ് വേണ്ടത് . ഇവിടെ രണ്ടു വ്യക്തികൾ ക്ലൈന്റായുണ്ട് . രണ്ട് വ്യക്തികളെയും നമ്മൾ കേട്ടു . രണ്ടുപേരും ശരിയാണ് . പലപ്പോഴും പ്രശ്നങ്ങൾ ഉണ്ടാവുന്നത് ഒരു ശരിയും ഒരു തെറ്റും തമ്മിലല്ല മറിച്ച് രണ്ടു ശരികൾ തമ്മിലാണ് . ഇവിടെ ആരാണ് ശരി ? രണ്ട് പേരും ശരിതന്നെ . ഇനി എന്താണ് പോംവഴി . അതാണ് അടുത്ത സ്റ്റെപ്പ് . ഞാൻ രണ്ടുപേരെയും എന്റെ മുന്നിൽ എനിക്ക് അഭിമുഖ മായി ഇരുത്തി . മധുവിനോടാണ് ആദ്യം സംസാരിച്ചത് . ആ സമയത്ത് സുധയോട് ഇടപെടരുത് എന്നും എല്ലാം കേട്ടതിനു ശേഷം മാത്രം സംസാരിക്കാനവസരം തരാമെന്നും പറഞ്ഞു
ഒരു പെന്നും പേപ്പറും കൊടുത്ത് ഞാൻ മധുവിനോട് എഴുതാൻ പറഞ്ഞു . രണ്ടു കാര്യങ്ങൾ ആണ് എഴുതേണ്ടത് .
മധു സുധയിൽ കാണുന്ന ഗുണങ്ങൾ , അതേപോലെ മാറ്റേണ്ടുന്ന കാര്യങ്ങൾ ( മധുവിന്റെ അഭിപ്രായത്തിൽ സുധ എന്തൊക്കെ കാര്യങ്ങളിൽ മാറ്റം വരുത്തിയാൽ ജീവിതം കൂടു തൽ സന്തോഷകരമാക്കാം ) . ഒരു പേപ്പറിൽ 2 കോളം വരച്ച് മധു എഴുതിത്തുടങ്ങി . ഇവിടെ ഗുണങ്ങളുടെ എണ്ണം വളരെ കൂടുതൽ എഴുതാൻ മധു അറിയാതെ അദ്ദേഹത്തെ ഓരോന്നായി ഓർമ്മിപ്പിച്ചു . ഭക്ഷണം , അലക്കൽ , സ്നേഹം തുടങ്ങി ഗുണ ത്തിന്റെ കോളത്തിൽ പതിനഞ്ചിലധികം കാര്യങ്ങൾ എഴുതി . എന്നാൽ മാറ്റേണ്ടുന്ന കോളത്തിൽ നമ്പർ വളരെ കുറവായിരുന്നു . ഗുണങ്ങൾ കൂടുതൽ കണ്ടപ്പോൾ രണ്ടുപേർക്കും സന്തോഷമായി . ഇതുപോലെ സുധയെക്കൊണ്ടും എഴുതിച്ചു . ഉദാഹരണത്തിന് സുധയുടെ ഗുണങ്ങൾ
ഇങ്ങനെ രണ്ടുപേരെയും ഇരുത്തി രണ്ടുപേരും പരസ്പരം അംഗീകരിക്കുന്ന തലങ്ങളും വിയോജിക്കുന്ന തലവും തമ്മിൽ വ്യക്തമായ തിരിച്ചറിവുണ്ടാക്കലാണ് ഇവിടെ ചെയ്യേണ്ടത് . ഇതിൽ ജീവിതത്തിൽ മാറ്റേണ്ട കാര്യങ്ങൾ പരസ്പരം മാറ്റം വരുത്തുവാൻ സാധിക്കുമോ എന്ന് ആരായുകയും ഇല്ലെങ്കിൽ എന്തു ചെയ്യാൻ കഴിയുമെന്ന് ചർച്ച ചെയ്യുകയും ചെയ്യണം . ഇതാണ് അഞ്ചാമത്തെ സ്റ്റെപ്പിൽ ചെയ്യേണ്ടത്.
ഈ കൗൺസിലിംഗിൽ ആറാമത്തെ സ്റ്റെപ്പായ ഇമ്മിഡിയസി ആവശ്യമില്ല . കാരണം അടിയന്തിര സ്വഭാവമുള്ള പ്രശ്നങ്ങളോ ആത്മഹത്യാ പ്രവണതകളോ ഇവിടെ ഇല്ല . ഏഴാമത്തെ സ്റ്റെപ്പായ സെൽഫ് ഡിക്ലോഷറിൽ ഞാൻ നേരത്തെ ഉണ്ടായ കൗൺസിലിങ്ങിലെ ചില അനുഭവങ്ങൾ പറഞ്ഞു .
ജീവിതത്തിന്റെ പരമമായ ലക്ഷ്യം എന്താണെന്ന ചോദ്യ ത്തോടെ ഞങ്ങൾ എട്ടാമത്തെ സ്റ്റെപ്പ് ചർച്ച ചെയ്തു തുടങ്ങി . ഇവിടെ രണ്ടു ശരികൾ തമ്മിലാണ് പ്രശ്നങ്ങൾ എന്നു വ്യക്തമായി . ജീവിക്കുന്നത് ജോലിക്കു വേണ്ടിയാവരുത് . ജീവിക്കാൻ വേണ്ടി ജോലി ചെയ്യണമെന്ന കാര്യങ്ങളൊക്കെ ചർച്ചയിൽ വന്നു .
ഒമ്പതാമത്തെ സ്റ്റെപ്പായ കണ്ടന്റ് പാരാഫെയ്സിൽ രണ്ടു പേരുടെയും നന്മയെയും അവർ ഒന്നിച്ചു നിൽക്കുന്ന തല ങ്ങളെക്കുറിച്ചും വലുതാക്കി പറഞ്ഞു . അവർ തമ്മിൽ ജോലിക്കാര്യം മാത്രമാണ് തർക്കവിഷയമെന്ന് അവരെ ബോധ്യ പ്പെടുത്തി . വിവിധ തരം വ്യക്തിത്വങ്ങളെക്കുറിച്ചും അവരുടെ പെരുമാറ്റ രീതികളെക്കുറിച്ചും വിശദമായി പറഞ്ഞു .
പത്താ മത്തെ സ്റ്റെപ്പായ ബ്രയിൻ സ്റ്റോമിംഗിൽ പരിഹാരങ്ങളെക്കുറിച്ച് രണ്ടുപേരോടും സംസാരിക്കാൻ പറഞ്ഞെങ്കിലും രണ്ടുപേരും തങ്ങളുടെ ആവശ്യത്തിൽ ഉറച്ചു നിൽക്കുകയായിരുന്നു .
പിന്നെ എങ്ങനെ ബാക്കിയുള്ള സ്റ്റെപ്പിലേക്ക് പോകും . കൗൺസിലിംഗ് എങ്ങനെ മുന്നോട്ടു കൊണ്ടു പോകും എന്ന് ഒരു ഐഡിയയും ലഭിക്കുന്നില്ല . ഇങ്ങനെ വരുന്ന സന്ദർഭങ്ങളിൽ പലപ്പോഴും വ്യക്തികൾ വൈകാരികമായാവും പെരുമാറുന്നത് . എന്തായാലും പരിഹാരം കാണുന്ന വഴിയിലല്ല എന്നു ബോധ്യമായി . ജീവിതത്തെക്കുറിച്ചും , സന്തോഷത്തെക്കുറിച്ചും ചിന്തിക്കാ നുള്ള ഒരുപാടു വിത്തുകൾ അവരുടെ തലയിൽ പാകിക്കൊണ്ട് അവരുടെ ബന്ധത്തെ ഒരു മാസത്തേക്ക് ഫ്രീസ് ചെയ്തു . ചില സന്ദർഭങ്ങളിൽ ബന്ധങ്ങളെ ഫ്രീസ് ചെയ്യാറുണ്ട് .
നിശ്ചിതസമയം വിവാഹബന്ധം വേർപെടുത്തുന്നതാണ് ഉദ്ദേശിക്കുന്നത് . ഫോൺ ചെയ്യാനോ നേരിൽ കാണാനോ പാടില്ല . അവർക്ക് സ്വയം ചിന്തിക്കാനുള്ള സമയമാണിത് . എന്തായാലും നമ്മൾ പാകിയ വിത്തുകൾ ഫലംകണ്ടു തുടങ്ങി . ഏഴാം ദിവസം മധു വിളിച്ചു പറഞ്ഞു .
ഞാൻ പിന്നീട് സാറ് പറഞ്ഞ കാര്യങ്ങൾ വച്ചുകൊണ്ട് ചിന്തി ച്ചപ്പോഴാണ് മനസ്സിലായത് എന്റെ പിടിവാശിയെക്കുറിച്ച് അവൾ പോയപ്പോഴാണ് അവളുടെ വില മനസ്സിലായത് . അവളുടെ ഭാഗ ത്തുനിന്നു ചിന്തിക്കാൻ ഞാൻ ശ്രദ്ധിച്ചിരുന്നില്ല . എനിക്ക് എന്റെ തെറ്റുകൾ മനസ്സിലായി . എന്റെ അച്ഛനും അമ്മയ്ക്കും ഇപ്പോൾ ഞങ്ങളില്ലെങ്കിലും കുഴപ്പമില്ല . ദയവു ചെയ്ത് ഞങ്ങളെ വീണ്ടും ഒന്നിപ്പിക്കണം . അവൾ ജോലിക്ക് പോകുന്നതിൽ എനിക്ക് സന്തോഷമേ ഉള്ളൂ . അദ്ഭുതം എന്നുതന്നെ പറയട്ടെ , അന്നു തന്നെ സുധയും വിളിച്ചിരുന്നു . അവളും പറഞ്ഞത് ഇങ്ങനെ തന്നെ ആയിരുന്നു . ഒരു സാധനം നഷ്ടപ്പെടുമെന്ന് തോന്നുമ്പോഴാണ് നമുക്ക് അതിന്റെ വില മനസ്സിലാവുന്നത് . സർ ഞാൻ എന്റെ ഭാഗത്തുനിന്നു മാത്രമേ ചിന്തിച്ചിരുന്നുള്ളൂ . എന്റെ തെറ്റാണ് . ദയവായി ഞങ്ങളെ പെട്ടെന്ന് ഒന്നിപ്പിക്കണം വീണ്ടും അടുത്ത ദിവസം അവർ ക്ലിനിക്കിലെത്തി . രണ്ടുപേരും അവരവരുടെ തെറ്റുകൾ മനസ്സിലാക്കുകയും മധുതന്നെ സുധയുടെ ജോലിക്കു വേണ്ട കാര്യങ്ങൾ ചെയ്യുകയും ചെയ്തു . അതോടെ അവരുടെ ബന്ധം കൂടുതൽ ഊഷ്മളമാവുകയും സന്തോഷത്തോടെ ജീവിക്കുകയും ചെയ്തു .
