TA, Part 9 വിരുദ്ധ സംഭാഷണങ്ങൾ രണ്ടാം വിനിമയ നിയമം

2. . വിരുദ്ധ സംഭാഷണങ്ങൾ

( Crossed Transactions ) അനുപൂരക സംഭാഷണങ്ങൾക്ക് ഒരു ഒഴുക്കും സുഖവും തോന്നാം . അപൂർവ്വം സന്ദർഭങ്ങളിലൊഴികെ എന്നും അനുപൂരക സംഭാഷണങ്ങൾ വ്യക്തി ബന്ധങ്ങളുടെ സുസ്ഥിരതക്കു കളമൊരുക്കുന്നു . എന്നാൽ സംഭാഷണങ്ങൾ പലപ്പോഴും ഇപ്രകാരം സുഗമമായിട്ടല്ല കണ്ടുവരുന്നത് . വൈകാരിക പ്രശ്നങ്ങൾ സൃഷ്ടിക്കുന്ന സംസാരരീതി സമൂഹത്തിൽ ധാരാളം കാണാം . ഇപ്രകാരം വ്യക്തി ബന്ധങ്ങളിൽ വിള്ളലുകൾ സൃഷ്ടിക്കുന്ന സംസാരരീതികളിൽ ഒന്നാണ് വിരുദ്ധ സംഭാഷണങ്ങൾ . ചോദിക്കുന്നതിനുള്ള മറുപടി , പ്രതീക്ഷിക്കുന്ന വ്യക്തിഭാവത്തിൽനിന്നും ലഭിക്കുന്നതാണ് . അനുപൂരക സംഭാഷണങ്ങളെങ്കിൽ , ഇവിടെ അപ്രതീക്ഷിത വ്യക്തി ഭാവത്തിൽ നിന്നാണ് പ്രതികരണം ഉണ്ടാകുന്നത് . അതിനാൽ തന്നെ വൈകാരിക പ്രശ്നങ്ങൾക്ക് കാരണമാകുകയും ചെയ്യുന്നു . സംഭാഷണങ്ങളിൽ ഏർപ്പെടുന്ന വ്യക്തികളുടെ മനോനില അനുസരിച്ച് ചോദന പ്രതികരണങ്ങളുടെ ഫലത്തിൽ ഏറക്കുറ ച്ചിലുകൾ ഉണ്ടായേക്കാം . എങ്കിലും നിമിഷ നേരത്തേക്കെങ്കിലും ഒരു ബുദ്ധിമുട്ട് വ്യക്തികളിൽ ഇത്തരം സംഭാഷണ ശൈലി ഉളവാക്കുന്നു .

വിനിമയ നിയമം -2

ഡോ . ബേണിന്റെ വിനിമയ നിയമത്തിലെ രണ്ടാമത്തെ ആശയം . ഇതാണ് . 

"വിരുദ്ധ സംഭാഷണങ്ങൾ തുടർന്നുള്ള വിനിമയ സാധ്യതകള തടസ്സപ്പെടുത്തുന്നു "

 വിനിമയങ്ങൾ പുന : സ്ഥാപിക്കപ്പെടണമെങ്കിൽ വിനിമയങ്ങളിലേർപ്പെടുന്ന ഒരു വ്യക്തിയോ അതോ ഇരുവരുമോ തങ്ങളുടെ വ്യക്തിഭാവം മാററി വിനിമയങ്ങളിൽ

ഏർപ്പെടുക ഇത് ഒരാൾ മാത്രം വിചാരിച്ചാലും സാധിക്കും . ഇരുവരും ശ്രമിച്ചാൽ വളരെ എളുപ്പം വിനിമയം സുഗമമാക്കാം . ഇരുവരും വ്യക്തിഭാവം മാററുന്ന സാഹചര്യം വിരളമായിരിക്കാം , ഒരാൾ മാത്രം ശ്രമിച്ചാലും വിനിമയങ്ങളെ അനുപൂരക സംഭാഷണങ്ങളിലേക്ക് കൊണ്ടുവരുവാൻ സാധിക്കും , 

മൂന്നു വ്യക്തിഭാവങ്ങളിൽ നിന്നും സ്വതന്ത്രമായി സേച്ഛാനുസരണം വിനിമയങ്ങളിൽ എർപ്പെടുവാൻ സാധിക്കുന്നതുകൊണ്ട് വിരുദ്ധ സംഭാഷണങ്ങളിൽ ഏർപ്പെടുന്നവർക്ക് ബന്ധങ്ങൾ സുഗമമാക്കുവാൻ ഈ വിനിമയ നിയമം ഒരു സൂചികയാണ്