ഡോക്ടർ ശ്രീനാഥ് കാരയാട്ടിന്റെ അനുഭവ കഥകൾ, പെർഫക്ഷൻ

കുട്ടികളെ ചെറിയ പ്രായത്തിൽ തന്നെ ശീലങ്ങൾ , സംസ്കാരങ്ങൾ മൂല്യങ്ങൾ എന്നിവ പഠിപ്പിക്കേണ്ടത് അല്ലേ ചുട്ടയിലെ ശീലം ചുടല വരെ എന്നല്ലേ പറയാറ് എന്തൊക്കെ ശീലങ്ങളാണ് കുട്ടികളെ പഠിപ്പിക്കേണ്ടത്

കേരളത്തിലെ പ്രമുഖമായ ഒരു വിദ്യാലയത്തിലെ പതിനേഴാമത്തെ വാർഷികം നടക്കുകയാണ് മുഖ്യപ്രഭാഷണത്തിൽ ഞാനാണ് ക്ഷണിക്കപ്പെട്ടത് വളരെ ഭംഗിയായി അലങ്കരിച്ച വേദിയിൽ വാർഡ് മെമ്പർ പഞ്ചായത്ത് പ്രസിഡണ്ട് ഞാൻ (ഡോക്ടർ  ശ്രീനാഥ് കാരയാട്ട് )പിടിഎ പ്രസിഡണ്ട് സ്ഥലത്തെ എസ് ഐ ഇടവകയിലെ അച്ഛൻ സ്കൂൾ മാനേജർ എന്നിവർ ക്രമത്തിൽ ഇരിക്കുന്നു 2500 ലധികം ജനങ്ങൾ പരിപാടി കാണാൻ വേണ്ടി ഉണ്ട് സദസ്സിലിരിക്കുന്ന

 വ്യവസ്ഥ അനുസരിച്ച്

ആങ്കറിംഗ്  ചെയ്യുന്ന ഒരു പെൺകുട്ടി വേദിയിൽ വന്ന് ഓരോ ആൾക്കാരെ ക്ഷണിക്കുമ്പോൾ എൽകെജിയിൽ പഠിക്കുന്ന ചെറിയ കുട്ടികൾ ഓരോ പനിനീർപ്പൂവും  ക്ഷണിക്കപ്പെടുന്ന വ്യക്തിക്ക് കൊടുക്കുക എന്നതാണ് വ്യവസ്ഥ

പ്രധാന പ്രഭാഷകനായ എന്നെയാണ് ആദ്യം 

ക്ഷണിച്ചത് വേദിയിലേക്ക് വന്ന നാലുവയസ്സുള്ള പ്രായമുള്ള പെൺകുട്ടിക്ക് ശ്രീനാഥ് ആരാണെന്നറിയാതെ വേദിയിലിരിക്കുന്ന വാർഡ് മെമ്പർക്ക് പൂവ്  കൊടുക്കുകയും ചെയ്തു അയാൾ  അത് നിഷേധിച്ചു അൽപ്പം ആശങ്കയോടെ കുട്ടി രണ്ടാമതിരിക്കുന്ന പഞ്ചായത്ത് പ്രസിഡണ്ടിന് പൂവ് കൊടുക്കാൻ ശ്രമിച്ചു അദ്ദേഹം നിഷേധാർത്ഥത്തിൽ അത് തട്ടി മാറ്റുകയാണ് ചെയ്തത് മൂന്നാമതിരിക്കുന്ന ഞാൻ അവളെ ചേർത്തു പിടിക്കുകയും വളരെ സ്നേഹത്തോടുകൂടി കുശലം പറയുകയും പൂവ്  വാങ്ങിക്കുകയും ചെയ്തു അപ്പോഴേക്കും രണ്ടാമത്തെ പേര് പറഞ്ഞ്  സ്വാഗതം പറഞ്ഞിരുന്നു രണ്ടാമത്തെ കുട്ടിയും ഇതേപോലെതന്നെ ചെയ്തു  പിന്നീടുവന്ന ഓരോ കുട്ടികളും നേരിട്ട് പൂവുമായി എനിക്കരികിലേക്ക് വരികയായിരുന്നു 

ഇത് കണ്ട് സ്കൂൾ പ്രിൻസിപ്പൽ വേദിയിൽ എഴുന്നേറ്റ് നിൽക്കുകയും ഉച്ചത്തിൽ , കുട്ടികളെ പറഞ്ഞയക്കുന്ന ആളോട് 

"എന്ത് തോന്നിവാസം ആണ് ഇവിടെ ചെയ്യുന്നത് ആൾക്കാരെ വിളിച്ച് അപമാനിക്കുകയാണോ " ?

 വളരെ ആക്രോശത്തോടുകൂടി 

ചോദിച്ചു.

 സന്തോഷേടെ കാര്യങ്ങൾ  ചെയ്ത

കുട്ടികൾ സിംഹത്തിനു മുന്നിൽപ്പെട്ട മാനിനെപ്പോലെ വിറക്കുകയായിരുന്നു

ഈ കുട്ടികൾ ഇനി ജീവിതത്തിൽ ഏതെങ്കിലും ഒരു വേദിയിൽ കയറി നിൽക്കുമെന്നും ഒരു സമൂഹത്തെ  അഭിമുഖീകരിക്കുമെന്ന് നിങ്ങൾ കരുതുന്നുണ്ടോ ?

കുട്ടികൾ ചെയ്യുന്നത് അവരുടെ 100% തന്നെയാണ് എന്നാൽ അത് നിങ്ങളുടെ 100% ആവണമെന്നില്ല നിങ്ങളുടെ 100% ഒരിക്കലും നിങ്ങൾ കുട്ടികളിൽ നിന്നും പ്രതീക്ഷിക്കരുത് അവരുടെ 100% സ്വീകരിക്കുക ആഘോഷിക്കുക അംഗീകരിക്കുക പ്രോത്സാഹനം കൊടുക്കുക 

നിങ്ങളുടെ സ്ഥാനത്ത് എത്തുമ്പോഴേക്കും അത് ആയിരം ശതമാനമായി മാറും 

ഇനി ഇതിനെ ഒരു കുട്ടിക്കളിയായി കാണുകയും അതിനെ ആസ്വദിക്കാനും തുടങ്ങിയാൽ എന്ത് ഭംഗിയാണ് കുട്ടികൾ മാറി കൊടുക്കുന്നതും മറ്റുള്ളവർ മാറി വാങ്ങുന്നതും ഒക്കെ കണ്ടു ചിരിക്കാനും നമ്മൾ തയ്യാറാകണം അല്ലെങ്കിൽ ഈ ജീവിതം ഒരു യാന്ത്രികമായി തീരും

കുട്ടികളെ സംസ്കാരം ചിട്ടകൾ മൂല്യങ്ങൾ പഠിപ്പിക്കേണ്ടത് ക്ലാസ് റൂമിൽ വച്ചല്ല

മാതൃകയായി കൊണ്ടാണ് നമ്മുടെ പ്രവർത്തിയാണ് അവരുടെ സംസ്കാരം ആയി മാറുന്നത് 

ഞായറാഴ്ച രാവിലെ അച്ഛൻ മകളെ പഠിപ്പിക്കുന്നത് ഹരിശ്ചചന്ദ്രനെ കുറിച്ചും സത്യെത്തെ കുറിച്ചുമാണ് ആ സമയത്ത് ഫോൺ ബെല്ലടിച്ചാൽ

അച്ഛൻ കുട്ടിയോട്

പറയുന്നത് ഫോണെടുത്ത്

 "അച്ഛനെവിടെ ഇല്ല 

 എന്ന് പറയൂ " എന്നാണ്

 ഇവിടെ ഒരേസമയം സത്യം പറയാൻ അച്ഛൻ പ്രേരിപ്പിക്കുകയും കളവ് പറഞ്ഞഞ്  കാണിക്കുകയും ചെയ്യുന്നു ഇതിൽ ഏത് 

മെസ്സേജ് ആണ് കുട്ടി സ്വീകരിക്കുന്നത്

 കാണുന്ന മെസ്സേജ് ആണ് കുട്ടി സ്വീകരിക്കുന്നത് 

നിങ്ങൾ മാതൃക കാണിക്കുക എന്നുള്ളത് മാത്രമാണ് ഇതിന് ഏക പോംവഴി

ദേഷ്യപ്പെടരുത് എന്ന പറയുന്നതെങ്കിലും ക്ഷമയോടുകൂടി പറയാൻ ശീലിക്കുക

 

ഡോക്ടർ ശ്രീനാഥ് കാരയാട്ട്